2023 оны төсвийн тухай хуульд шаталсан татварын талаар тусгасныг ТЕГ-аас мэдээлж буй. Өөрөөр хэлбэл, иргэдийн цалингийн орлогын хэмжээнээс хамаарч татварыг дараах шатлалаар ноогдуулах юм.
Цалингийн орлогоос авах шаталсан татвар:
- 0-10 сая төгрөгийн орлоготой иргэд 10 хувь
- 10-15 сая төгрөгийн орлоготой иргэд 15 хувь
- 15-20 сая төгрөгийн орлоготой бол 20 хувийн татвар төлөх
Өөрөөр хэлбэл, сарын 11 сая төгрөгийн орлоготой иргэний 10 сая төгрөгт нь 10%, үлдсэн нэг сая төгрөгт 15 хувийн татвар ногдуулан тооцно гэсэн үг.
Нийгмийн даатгалын санд бүртгэлтэй буюу хөдөлмөр эрхлэгч 817,238 иргэнээс 99.9 хувь нь 10 сая төгрөгөөс доош цалингийн орлоготой байгаа тул уг хуулийн өөрчлөлт нийт цалин орлого бүхий иргэдийн 0.1 хувьд нөлөөлөхөөр байгаа аж. Харин 10 сая төгрөгөөс дээш орлоготой нийт 1300 иргэн байгаа юм байна.