Нийслэлийн МАН-ын хорооны 34-р Бага хурал энэ сарын 7-нд буюу маргааш зохион байгуулагдахаар товоо зарлаад байсан. Гэвч Нийслэлийн МАН-ын хороо дотоод асуудлын улмаас үл ойлголцолд хүрч, хойшлоход хүрээд байгаа юм. Эх сурвалжуудын зүгээс “Нийслэлийн МАН-ын хорооны Бага хурал маргааш зохион байгуулагдахгүй. Энэ сарын 15-ны дотор зохион байгуулагдана гэсэн асуудал яригдаж байгаа. Бага хурлын асуудлаар үүсэн маргааныг шийдвэрлэх чиглэлээр байгуулагдсан ажлын хэсэг байнга хуралдаж байгаа” гэсэн мэдээллийг өгч байна.