УИХ-ын сонгуульд нам эвслээс нэр дэвших хүмүүсийн нэрс тавдугаар сарын 23-наас эхлэн тав хоногийн дотор тодорхой болох хуультай. Хуулийн хугацаа өнөөдөр буюу тавдугаар сарын 27-нд дуусгавар болж байгаа тул МАН-ын Бага хурал, Ардчилсан намын ҮЗХ өнөөдөр зарлагдсан.
Дээрх хоёр намаас хэн хэн УИХ-ын сонгуульд нэр дэвших асуудлыг өнөөдрийн дотор шийдэж, маргааш СЕХ-нд нэр дэвшигчдийн бичиг баримтыг хүлээлгэн өгөх учиртай.
Гэвч СЕХ маргааш буюу тавдугаар сарын 28-ны өдрийн 00:00 цаг хүртэл нам эвслээс нэр дэвшигчдийн бичиг баримтыг хүлээж авна. Ингэснээр маргааш 00:00 цаг хүртэл шийдвэрээ эцэслэх боломж гарч ирж байна гэсэн үг юм. Тэр утгаараа АН болон МАН-ынхан өнөөдөр асуудлаа эцэслэж амжихгүй бол маргааш эцсийн байдлаар хуралдаж шийдвэрээ гаргаад, СЕХ-нд бичиг баримтаа өгөх боломжтой аж.