Олон улсын одон орон судлаач эрдэмтдийн баг нартай хамгийн ойр орших SCR 1746-3214 нэртэй одой одноос радио долгион илрүүлжээ. Эрдэмтэд судалгааныхаа үр дүнг “arXiv” шинжлэх ухааны нийтлэлийн нээлттэй санд нийтэлсэн байна.
Нээлтийг тун санамсаргүй байдлаар хийжээ. Тодруулбал, Өмнөд Африк дахь MeerKAT радио дурангаар авсан хар нүхний H1743-322 зурагт дүн шинжилгээ хийх үедээ олж мэдсэн байна. Зураг дээр MKT J174641.0-321404 гэж тодорхойлогдсон гэрлийг өөрчилдөг радио ялгаралтын эх үүсвэр гараад өнгөрсөн бөгөөд нарийвчлан судлах явцад эх үүсвэр нь дэлхийгээс 39 гэрлийн жилийн зайд орших SCR 1746-3214 одой одтой холбоотой болох нь тогтоогджээ.