Улаанбаатар хотын Захирагчийн ажлын албаны Хүнс худалдаа үйлчилгээний хэлтэс, НМХГ, НОБГ-аас Үндэсний их баяр наадмын үеэр худалдаа, үйлчилгээ эрхлэх зөвшөөрлийн талаар хэвлэлийн хурал хийж байна.
Нийслэлийн Онцгой байдлын газрын Гал түймэртэй тэмцэх хэлтсийн дарга, хурандаа Д.Мөнхсайхан: “Үндэсний баяр наадмын өдрүүдээр буюу долоодугаар сарын 9-15-нд онцгой байдлын 16 анги салбарын 130 алба хаагчид өндөржүүлсэн бэлэн байдалд ажиллана. Хяналт шалгалтыг долоодугаар сарын 9-10-нд зохион байгуулна. Долоодугаар сарын 11-13-ны өдрүүдэд эргүүлийн ажил хийгдэнэ. Мөн 55 албан хаагч Туул голын сав газраар завьтай болон автомашинтай эргүүл хийнэ” гэж мэдээллээ.
Нийслэлийн Мэргэжлийн хяналтын газрын Эрүүл мэнд, боловсрол соёлын хяналтын хэлтсийн дарга Д.Цэнд-Аюуш: “Баяр наадмын үеэр 400 орчим байцаагч хяналт шалгалт хийж ажиллана. Мал эмнэлгийн лаборатори болон НМХГ-ын Төв лабораториос явуулын лаборатори ажиллуулж шалгалтын үеэр дээж авч шалгана. Мөн өгсөн зөвлөмжийнхөө дагуу аж ахуйн нэгжүүдийн үйл ажиллагаанд хяналт тавина” гэдгийг хэллээ.