Монгол Улсын гавъяат тамирчин, Олимп, дэлхийн аваргын мөнгөн медальт Н.Төгсцогт өнөөдөр ээлжит тулаанаа хийлээ. Тэрээр энэ удаад Филиппиний боксчин, 23 настай Жхон Дамас Жеминотой тулалдлаа. Түүний өрсөлдөгч мэргэжлийн рингэнд 23 тулаан хийснээс 15 ялалт байгуулж (7 KO), долоо ялагдаж, нэг тэнцэж байжээ. “The Disaster” буюу “Гамшиг” хочит Жхон Дамас Жемино чансаагаараа дэлхийд 33 дугаарт эрэмбэлэгдэж байгаа тамирчин юм. Тулаан АНУ-ын Алабама мужийн Бирминхэм хотын “The Legacy Arena” хэмээх 17 600 хүний суудалтай ордонд болсон бөгөөд FOX USA, USA FOX Sports 1, USA Fox Espanol, United Kingdom Sky, New Zealand Sky, Panama Channel 4 ТВ сувгууд шууд дамжуулан үзүүлжээ. Ингээд түүний тулааныг хүргэж байна.