Мэргэжлийн боксын WBA холбоонд тоглодог “King Tug” хочит Н.Төгсцогт тус холбооны хөнгөн жингийн аварга “Primetime” хочит Крис Колберттой ирэх долоо хоногт тулалдана.
Тулаан Калифорни мужийн Карсон хот дахь “Dignity Health Sports Park” цэнгэлдэхэд долоодугаар сарын 03-ны өдөр болно.
Н.Төгсцогтын хувьд 13 тулаан хийхдээ нэг ялагдсан бөгөөд нийт тулааныхаа 69 хувьд нь хүнд цохилтоор ялж байсан. Харин түүний өрсөлдөгч Крис Колберт нэг ч ялагдаагүй босоо амжилттай байгаа юм.
Өдгөө 29 настай Монгол залуугийн хувьд Юриоркис Гамбоатай тулалдахаар товлосон байсан ч Гамбоа бэртлийн улмаас тулалдах боломжгүй болсон байна.
