Соёл урлагийн их сургуулийн дэд профессор, Монгол Улсын Гавьяат Жүжигчин О.Ичинхорлоо Монгол Улсын Ардын Багш цол хүртлээ.
Сонгодог урлагийн тайзнаа мэргэжлийн боловсон хүчин бэлтгэж, сурган хүмүүжүүлэх ухааныг хөгжүүлэх үйл хэрэгт гарамгай гавьяа байгуулсан нэгэн билээ.
Тэрээр их урлагт 60 жил, сурган хүмүүжүүлэхэд 40 гаруй жил чин шударгаар хөдөлмөрлөсөн. Түүний 100 гаруй шавь нараас өдгөө дэлхийн тайзнаа олныг гайхшруулж буй уран бүтээлчид олон бий.
