“Монос”-ын эмийн санчдад холбогдох хэргийн шүүх хурал өчигдөр Дүүргийн эрүүгийн хэргийн анхан шатны хоёрдугаар шүүх дээр болж өнгөрлөө. Шүүх бүрэлдэхүүн.
Эрүүгийн хуулийн 106.1-д зааснаар өвчтөнд эмнэлгийн тусламж үзүүлэх үүргээ зохих ёсоор биелүүлээгүйгээс өвчтөний биед хүндэвтэр гэмтэл учруулсан гэх зүйл ангиар буруутган яллаж, эмийн санч Э-г гэм бураатайд тооцон хоёр жилийн хорих ялаар шийтгэж, жирэмсэн байгааг нь харгалзаж эдлэх ялыг хоёр жилээр хойшлуулах шийдвэр гаргажээ. Харин эмийн санч Ж-д нэг жилийн тэнсэн харгалзах ял оноож, ажил эрхлэх эрхийг нь нэг жилээр хасжээ.
Хэргийг нэхэн сануулбал, өнгөрөгч наймдугаар сард ЭНЭҮТ-ийн эмнэлэг дотор байрлах “Монос” эмийн сангийн жор баригч нар “фенобарбитал” эмийг жороор олгохдоо хүүхдийн тунг андуурч, том хүний жороор олгосон байдаг. Уг эмийг тус эмийн сангаас 16 нярайд өгсөн бөгөөд 14 хүүхэд эм уусан даруйдаа хордлого авсан юм.