Өнөөдөр Ази
тивийн оюутны сагсан бөмбөгийн аварга шалгаруулах тэмцээн “Буянт-Ухаа” спортын
ордонд өндөрлөлөө. Тус тэмцээний аваргаар Монголын оюутны шигшээ баг шалгарч,
Тайвань, БНХАУ-ын баг мөнгө, хүрэл медалийн эзэд болов. Улаанбаатар хотноо
зохион байгуулагдсан Азийн оюутны сагсан бөмбөгийн аварга шалгаруулах тэмцээнд
Монгол, БНХАУ, БНСУ, Тайвань, Хонконг, Макао, Казахстан гэсэн долоон орны баг
өрсөлдсөн.
Зургаа дахь удаагийн
тэмцээний хагас шигшээд БНХАУ, Тайвань, Хонконг, Монголын багууд шалгараад
байсан юм. Өнөөдөр болсон финалын тоглолтод Монголын баг Тайваний багийг
92:79-өөр хожиж, аваргын цом өргөлөө. Хүрэл медалийн төлөөх тоглолтод БНХАУ
Хонконгийг 92:82-оор хожив.