БНХАУ-ын Вэйнань хотноо үргэлжилж буй “Торгоны зам” Олон улсын тэмцээний хоёр дахь тоглолтоо Монгол улсын өсвөрийн шигшээ баг өчигдөр Улаанбаатарын цагаар 17:00 цагаас Узбекистаны шигшээ багийн эсрэг хийлээ. Монгол улсын 15 насны шигшээ баг эхний тоглолтод талбайн эзэн БНХАУ-ын 16 насны шигшээ багт 9:0-ээр хожигдсон бол Узбекистан мөн эхний тоглолтдоо Киргизстаны багт дийлдээд байгаа юм.
Тэгвэл хоёр дахь тоглолтдоо манай шигшээ баг Узбекстаны шигшээд 12:0-ээр хожигдож, хичээл заалгалаа. Уг нь шигшээ багийн дасгалжуулагч Войжислав Бралушич өмнөх тоглолтоо алдаагаа давтахгүй хэмээн ярьсан байсан ч түүний хүссэнээр болсонгүй бололтой. Узбекстаны шигшээ баг тоглолтын эхний 45 минутад 9 гоол оруулсан. Тодруулбал, 1, 2, 6, 8, 17, 27, 30, 32, 38 дахь минутад гоолджээ. Харин хоёрдугаар үеийн 51, 52, 61, 68, 74 дэх минутад гоолдож, манай багийг бутниргэсэн байна.
Тэгвэл нөгөө талд Хятадын шигшээ баг Киргизстаны шигшээ багийг 4:0-ээр буулгаж авч, хүснэгтийг итгэл төгс тэргүүлж байна.