Монголчууд
бид эрт дээр үеэс цагаан идээ хэрэглэсээр ирсэн. Цагаан идээ хүний бие махбодод
их ач тустай. Монгол бяслагийн тухайд гэхэд элэгний өвчин, чихрийн шижин зэрэг өвчний
эсрэг ерөндөг гэж ойлгож болно.
Бяслагийг
дээд зэргээр боловсруулсан ээдэм гэж нэрлэдэг нь ч учиртай. Бяслагийн бичил биетүүд
сүүний уураг, тос, нүүрс усыг задалж, хүний бие махбодод шингэхэд хялбар энгийн
нэгдэлд хувирдаг гэнэ. Тиймээс ч бяслаг үл орлох амин хүчил, кальци, фосфорын найдвартай
эх үүсвэр юм. Бяслагийг өнө эртнээс сувиллын зориулалтаар түгээмэл ашиглаж иржээ.
Эртний их мэргэн Гиппократын тэмдэглэлд бяслагийн үнэт чанарыг дурдсан байдаг бөгөөд
тухайн үед Олимпийн тэмцээнд оролцох хүмүүсийн хүч тамирыг нэмэгдүүлэх зорилгоор
бяслаг ихээр идүүлдэг байжээ.
Одоо цагт
бяслагийг ээдмийн нэг адил чихрийн шижин, элэгний өвчин, ясны үрэвсэл, цус багадах,
цөсний өвчний үед түгээмэл хэрэглэж байна. Түүнчлэн цагаан хоолтон хүмүүсийн уургийн
нэг эх үүсвэр нь бяслаг болдог. Их гүйлгэдэг хүмүүс бяслаг идээд ходоодны үйл ажиллагаагаа
сайжруулдаг. Судлаачид бяслагийг хатуу төлөвтэй пробиотик бүтээгдэхүүн гэж үздэг.
Пробиотик гэдэг нь ашигтай бичил биетийн өсгөврөөр сүүг хөрөнгөлж бэлдсэн эсэг цагаан
идээ юм. Бяслаг нь үнэхээр хүний бие махбодод эерэг нөлөөтэй олон төрөл, омгийн
бичил биетийг агуулдаг учир хүнс тэжээлийн төдийгүй сувиллын ач холбогдолтой гэж
эрүүл мэндийн мэргэжилтнүүд зөвлөдөг.
Монгол аргаар
боловсруулсан бяслаг эмчилгээ, сувилгааны хоолны жоронд сүүлийн үед ихээр орох болсон
нь эрүүл мэндэд сайн нөлөөтэйнх ажээ.
Л.Цэнгэл