Энэ сарын 1-нээс насжилт нь дууссан микро автобуснуудыг үйлчилгээнээс хасах шийдвэр гаргасан. Энэ шийдвэрийн дагуу 176 микро автобусыг үйлчилгээнээс хасч, 45 микро автобус иргэдэд үйлчилж байгаа аж. Зорчих тээврийн стандарт хангасан 45 микро автобус нь 2003 оноос хойш үйлдвэрлэсэн “Стана”, “Старикс” зэрэг автомашинууд юм байна. Эдгээр микро автобус нь зайлшгүй нийтийн тээвэрт хэрэгтэй, том оврын автобус явах боломжгүй Сонгинохайрхан дүүргийн XXIII, Баянгол дүүргийн XXII хороо, Баруун туруун, Партизан зэрэг чиглэлүүдэд иргэдэд хүрч, үйлчилж байна. Үйлчилгээнээс хассан микро автобус нууцаар хүн тээвэрлэсэн эсэхэд Нийслэлийн тээврийн газар болон Замын цагдаагийн газраас хяналт тавьж ажиллаж байгаа аж.
О.ӨНӨР