Монгол Улсын төр, нийгмийн нэрт зүтгэлтэн, БНМАУ-ын Сайд нарын Зөвлөлийн дарга, Хөдөлмөрийн баатар, Маршал Юмжаагийн Цэдэнбалын мэндэлсний 100 жилийн ойг “Эрдэнэт үйлдвэр” ХХК, Орхон аймаг ёслол хүндэтгэлтэй тэмдэглэлээ.
Хүндэтгэлийн арга хэмжээнд Ю.Цэдэнбал агсны төрөл төрөгсөд болон “Ю.Цэдэнбал” академийн төлөөлөл, аймгийн удирдлагууд оролцлоо. Ю.Цэдэнбал агсныг Монгол төрийн алтан жолоог атгаж байх үедээ “Эрдэнэт” үйлдвэрийг байгуулах, “Эрдэнэт” хотын түүхэн бүтээн байгуулалтыг бүтээхэд гарамгай гавъяа байгуулсныг үнэлж “Эрдэнэт үйлдвэр” ХХК-ийн “Эрдэнэт дээд өргөмжлөл” медалиар нэхэн шагнаж, дагалдах 2 сая төгрөг, өргөмжлөлийг Ю.Цэдэнбал агсны төрсөн эгчийн охин П.Сүрэнд гардуулан өглөө. Мөн “Ю.Цэдэнбал” академийн шагнал “Алтан-Од” медалиар нэр бүхий хүмүүсийг шагналаа.