Жил бүрийн наймдугаар сарын 29-ний өдрийг Бүгд Найрамдах Казахстан Улсын Ерөнхийлөгчийн санаачлагаар НҮБ-ээс “Олон улсын цөмийн туршилтын эсрэг тэмцлийн өдөр” гэж албан ёсоор зарлажээ.
Үүнтэй холбогдуулан маргааш буюу наймдугаар сарын 29-нд 10:30-аас Казахстан улсаас Монгол Улсад суугаа Элчин сайдын яамнаас Зүүн хүрээ Дашчойлон хийдэд хүндэтгэлийн арга хэмжээ зохион байгуулж, Энхтайвны хонх цохих ёслол болох аж. Мөн “Дашчойлин” хийдэд цөмийн зэвсгийн туршилтын хохирогчдыг эргэн дурсаж, нэг минут дуугуй зогсож, лам хуваргууд ном айлдах юм.
Энэхүү арга хэмжээнд Монгол Улсад суугаа Элчин сайдын яамд болон шашины байгуулагуудын төлөөлөгчид, хүндэтгэл илэрхийлэх иргэд оролцох юм. Олон улсын цөмийн туршилтын эсрэг тэмцлийн өдрийг манай улс дөрөв дэх жилээ ийнхүү зохион байгууллагдах ажээ.