Хүнс, хөдөө аж ахуй, хөнгөн үйлдвэрийн яамны мэдээлснээр өнөөдрийн буюу гуравдугаар сарын 27-ны байдлаар улсын хэмжээнд мал төллөлт 7.3 хувьтай байгаа аж. Тодруулбал, 1.8 сая мал төллөөд байгаа юм байна.
Энэ нь өмнөх долоо хоногтой харьцуулахад 968.0 мянгаар нэмэгдсэн үзүүлэлт болжээ. Мөн 1.7 сая төл буюу гарсан төлийн 93.0 хувь нь бойжиж байгаа юм байна.
Нөгөөтэйгүүр, улсын хэмжээнд малын хорогдол 180 мянга гаруй байгаа нь нийт малын 0.3 хувийг эзэлж байна. Гэхдээ малын хорогдол өмнөх онтой харьцуулахад даруй 50 хувиар буурчээ.