Монголын “Toyota Hilux 4Runner Tacoma” клуб, “Ланд Круйзер Клуб”-ын залуус байгалийн гамшигт үзэгдэл тохиолдвол хүн хүч техникээр туслахаа мэдэгджээ. Тэд онцгой байдлын албаны хүн хүч, техник хүрэлцэхгүй нөхцөл байдал хүндэрвэл сайн дураараа үнэ төлбөргүй туслахад бэлэн гэдгээ илэрхийлсэн юм. Тэд Сэлх чиглэлд цасанд боогдсон иргэдэд тусалсан юм. Мөн ОБЕГ-аас ирсэн мэдээллийн дагуу зуслангийн чиглэл болон Төв аймгийн чиглэлд гарсан яаралтай тусламжинд явж байна. Тодруулбал, нэгдүгээр ээлжийн аврах баг Өндөр дов орчимд зам дээр дуудлага аваад ажиллаж байгаа бол замаас зайдуу ганц бие хөгшин байгаа гэрт машин хүрч чадахгүй байна, туслаач гэсэн дуудлагын дагуу хоёр машин хөдөлсөн байна.