Өчигдөр Хонгконгт IJF буюу Олон улсын жүдо бөхийн холбооны чансаа олгодог өсвөр үе, залуучуудын нээлттэй тэмцээн эхэллээ. Тус тэмцээнд манай таван бөх хүч үзэж байгаа юм. Тамирчид тэмцээний эхний өдөр ажилттай оролцлоо. Тухайлбал, эмэгтэйчүүдийн 52 кг-ын жинд Баянхонгор аймгийн Эрдэнэцогт сумын харьяат, Монголын жүдо академийн тамирчин спортын мастер Лхагвасүрэнгийн Сосорбарам алтан медаль хүртлээ. Тэрбээр Хонгконг, Филиппиний тамирчдыг ялж финалд шалгарсан бөгөөд нутаг нэгт “Женко” клубийн тамирчин Цэвээндоржийн Адъяасүрэнг ялж аваргалсан. Мөн 57 кг-ын жинд “Боржин төв” дэвжээний тамирчин Отгоны Энхжин хүрэл медаль хүртжээ.
Өнөөдөр Залуучуудын ангилалд 57 кг-д “Женко” клубийн тамирчин Батсүхийн Алтанцэцэг, 52 кг-д Архангай аймгийн тамирчин Баатарын Мөнхжаргал нар хүч үзнэ. Тэднийг Баянхонгор аймгийн Эрдэнэцогт сумын харьяат Монголын жүдо академийн дасгалжуулагч ОУХМ Лувсанцэрэнгийн Лувсандэмбэрэл удирдаж байна.