“Абу Даби-2015” жудо бөхийн
олимпийн эрхийн оноо олгох Гранд Слам тэмцээн өнөөдөр өндөрлөх гэж байна.
Сүүлийн өдөр манай тамирчдаас 90 кг-ын жинд ОУХМ Лхагвасүрэнгийн Отгонбаатар
аваргын алтан медалийн төлөө өрсөлдөхөөр шалгаран үлдээд байна. Тэрээр хагас шигшээд
Унгарын Кристин Тоттыг торгуулиар ялан анх удаагаа “Их дуулга”
ангиллын тэмцээнд алтан медалийн төлөө барилдахаар болоод байгаа юм. Түүнтэй
аваргын төлөө Нидерландын бөх тэмцээний чансааг тэргүүлэгч Ноёл ван Т’Энд
барилдана. Мөн энэ өдөр -78 кг-ын жинд ОУХМ Пүрэвжаргалын Лхамдэгд хүрэл
медалийн төлөө өрсөлдөхөөр шалгаран үлдээд байна. Д.Лхамдэгд торгуулийн тойрогт
Их Британийн Налья Пауэлийг боох мэхээр цэвэр ялсан бөгөөд хоёрдугаар тойрогт
мөн Их Британийн Жемма Гиббонсыг боолтоор цэвэр ялжээ. Одоо Нидерландын Гууси
Стенхуистай хүрэл медалийн төлөө өрсөлдөхөөр учраа таарчээ.