Боомтын нэгдсэн захиргааны даргаар ажиллаж байсан Л.Гүндалай намаасаа гарч “Ард түмнээ хайрлья” нэртэй нам байгуулахаар иргэдээс гарын үсэг цуглуулж байгаа билээ. Түүнийг дэмжиж 801-ээс дээш хүн гарын үсэг зурвал Улсын дээд шүүхэд хандаж намаа бүртгүүлэх юм. Ирэх 2016 оны УИХ-ын сонгуульд Эрдэнэт хотоос нэр дэвшинэ гэдгээ мэдэгдээд байгаа түүнийг 700 гаруй хүн дэмжиж саналаа өгсөн байна. Тэрээр ойрын өдрүүдэд Эрдэнэт хотод ажиллаж, иргэдтэй уулзалт хийж, гарын үсгээ цуглуулж байна. Мөн Хан-Уул дүүргийн 11 дүгээр хорооноос албан ёсоор хасалт хийлгэж Эрдэнэт хотын Баянбулагт багт шилжин очоод байгаа аж.