“Ард түмнээ хайрлая” намын дарга Л.Гүндалай өнөөдөр Үндэсний мэдээллийн төвд байр сууриа илэрхийллээ. Шинэ намын даргаТаван толгойн гэрээний төсөлтэй холбоотойгоор Засгийн газрыг огцрох ёстой гэж мэдэгдсэн юм. Тэрээр “Тавантолгойн гэрээний төсөл нь Монголын хуулийг зөрчсөн, Монголын эсрэг гэмт үйлдэл хийсэн, хэсэг бүлэг олигархын эрх ашгийг хамгаалсан төсөл. Энэхүү гэрээний төслийг дэмжиж байгаа УИХ-ын гишүүдийг 2016 оны УИХ-ын сонгуульд нэр дэвшихэд нь сонгохгүй байх, мөн сонгож болохгүй гишүүдийн жагсаалтад багтаах ёстой” гэсэн юм.