Мэргэжлийн сүмогийн 2016 оны анхны тэмцээн буюу Хацу башё Японы нийслэл Токио хотноо үргэлжлэн явагдаж байна. Тэмцээний 11 дэх өдөр буюу өнөөдөр их аварга Хакүхо М.Даваажаргал озэки Котошёогикү нар барилдсан юм. Тэдний хувьд башёг нэг ч унаагүй тэргүүлж байсан бөгөөд Oзэки Котошёогикү өчигдрийн барилдаанд ёкозүна Какүрюүг даван тэргүүлэгчийн байр сууриа алдаагүй юм. Харин өнөөдрийн барилдаанд тэрбээр Хакүхо М.Даваажаргалыг давснаар башёг ганцаараа тэргүүлэх боллоо. Хэрвээ Котошёогикүгийн хувьд энэ удаад түрүүлж гэмээнэ 10 жилийн дараа япон бөх түрүүлсэн тохиолдол болох юм.