Монгол улсад Үндэсний кино урлаг үүсч хөгжсөний түүхт 80 жилийн ой энэ онд тохиож байгаа билээ. Тус ойтой холбогдуулан “Монгол кино” нэгтгэлээс 2015.10.11-ний өдөр нээлттэй өдөрлөгийг зохион байгуулахад бэлэн боллоо. Монгол кино үүсч бий болох эх суурь тавигдсан энэ өдөр өдөрлөгт хүрэлцэн ирсэнээр алтан үеийн кинонуудад хэрэглэж байсан хуучны болон сэргээн засварласан хувцас, жижиг хэрэглэл, он хуучин машин, механизм, кино зурганд ашиглаж байсан аппарат, тоног төхөөрөмжүүдийг үзэж сонирхохоос гадна кино, нэвтрүүлэг хийж байгаа явцтай танилцан, сэтгэлд хоногшсон киноны дуунуудыг сонсох, үе үеийн алдарт кино жүжигчидтэй уулзан, дурсгалын зураг авахуулж, гарын үсгийг нь авах боломжтой аж.