БНХАУ-ын дарга Си Жиньпин зургадугаар сарын 12-16-нд Киргизстан, Тажикстан улсад төрийн айлчлал хийнэ хэмээнБНХАУ-ын Гадаад хэргийн яамнаас өнгөрсөн ням гарагт мэдэгджээ.
Гадаад хэргийн яамны хэвлэлийн төлөөлөгч Лу Каны мэдээлснээр, Си Жиньпин Киргизстан улсад зургадугаар сарын 12-14-нд төрийн айлчлал хийх юм байна. Энэ үеэрээ тус улсын нийслэл Бишкек хотноо болох Шанхайн хамтын ажиллагааны байгууллагын гишүүн орнуудын төрийн тэргүүн нарын зөвлөлийн 19 дүгээр уулзалтад оролцох ажээ. Мөн тэрбээр Тажикстан улсад зургадугаар сарын 14-16-нд айлчилж, нийслэл Душанбе хотноо зохион байгуулах Азийн итгэлцэл, хамтын ажиллагааг бэхжүүлэх хуралд оролцох юм байна.