Засгийн газрын хуралдаанаар хоёр томоохон асуудлын талаар ярилцсан байна. Энэ талаар өнөөдөр мэдээллээ. Тодруулбал,
зээлийн хөрөнгөөр санхүүжүүлэх авто замын тухай шийдвэр гаргажээ. Зээлээр
санхүүжүүлэх жагсаалтыг энэ онд гаргасан байна. Үүнд Завхан аймгийн Тосонцэнгэлээс Улиастай чиглэлийн 114 км
хатуу хучилттай авто зам, Баянхонгор аймгийн төвөөс Байдрагийн гүүр хүртэлх
129,4 км хатуу хучилттай авто зам, Хөшигийн хөндийн шинэ нисэх онгоцны дагуу
баригдах хурдны авто замыг барих ажлууд багтжээ. Батлагдсан төсөвт багтааж
санхүүжүүлэх ажлыг Сангийн сайд Б.Болорт даалгасан бол гүйцэтгэгч компаниудыг
сонгож гэрээ байгуулж ажиллахыг Зам тээврийн сайд М.Зоригтод үүрэг болгоод байна.
Дашрамд
дурдахад анх 2010 онд БНХАУ-ын Төрийн зөвлөлийн дарга Монгол Улсад
айлчлах үеэр хөнгөлөлттэй зээлийг 500 сая ам.долларын хэмжээнд үзүүлж болох
тухай асуудал яригджээ. Хоёр улсын
засгийн газар удаа дараагийн уулзалт хийж ,
холбогдох яамдын түвшинд ярилцсаны дүнд 2011 оны долдугаар сард зээлийн ерөнхий хэлэлцээрийг
УИХ-аас баталсан байна. БНХАУ-ын
талаас санал болгосноор уг зээлийн хөрөнгөөр хийх ажлыг Хятадын компаниудаар
хийлгэе гэсэн санал тавьжээ. Саналын
дагуу Зам тээврийн яам Хятадын талаас санал болгосон компаниудаас сонгон
шалгаруулалт хийж гэрээ байгуулах үүрэг хүлээж байна. Зээлийн тухайд гэвэл
20 жилийн хугацаатай, жилийн хоёр хувийн хүүтэй аж. Эхний долоон жилд үндсэн төлбөрөөс чөлөөлөгдөх учраас эдийн
засгийн ач холбогдолтой зээл болохыг
Засгийн газрын зүгээс үнэлсэн байна.