Улсын хэмжээнд 158 хувийн эмнэлэг эрүүл мэндийн даатгалын үйлчилгээнд нэгджээ.
Тодруулбал нийслэлийн болон орон нутгийн хэмжээнд тус бүр 79 хувийн эмнэлгээр иргэд үйлчлүүлэхдээ эрүүл мэндийн даатгалын хөнгөлөлтийг эдлэх боломжтой юм байна. Үүнд “Улаанбаатар Сонгдо”, “Хатагтай”, “Ачтан”, “Номун” зэрэг хувийн эмнэлэг хамрагджээ. Хувийн эмнэлгүүд хэвтэн эмчлүүлэгсдийн эмнэлгийн нийт төлбөрийн 30 хувийг даатгалаас гаргадаг бөгөөд даатгуулагч иргэн сард нэг сая 328 мянган төгрөгийн өртөгтэй үйлчилгээг даатгалын сангаас төлүүлэх эрхтэй гэнэ. Харин улсын эмнэлэгт хэвтэн эмчлүүлбэл таны ор хоногийн нийт төлбөрөөс 300 гаруй мянган төгрөгийг, хувийн эмнэлэгт хэвтвэл нийт төлбөрөөс 200 орчим мянган төгрөгийг эрүүл мэндийн даатгалаас төлөх юм байна.