Замын-Үүд дэх Гаалийн хяналтын бүсээр хууль бусаар бараа, бүтээгдэхүүн нэвтрүүлэх гэсэн хэд хэдэн оролдлогыг илрүүлсэн байна. Энэ сарын 15-нд Замын-Үүд дэх Гаалийн гаалийн хяналтын бүсэд Монголын иргэн БНХАУ-ын Эрээн хотоос Монгол Улс руу зорчихдоо 0491 ДГА улсын дугаартай Истана маркын автомашинд 20 кг-н савалгаа бүхий 20 шуудай химийн бодис хууль бусаар хил нэвтрүүлэхээр завдсаныг илрүүлэн шалгаж байгаа аж. Мөн сарын 18-ны өдөр иргэн О нь Монгол Улсаас БНХАУ-ын Эрээн хот руу зорчихдоо 1400 кг малын хөлдөөсөн бөөрийг хууль бусаар хил давуулахаар оролдсоныг гаалийн байгууллага илрүүлжээ.