Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газраас Олон улсын хүүхдийн эрхийг хамгаалах өдрийг “Хүүхэд гэр бүлдээ аз жаргалтай” уриан дор тэмдэглэн өнгөрүүлэх талаар мэдээлэл хийлээ.
Нийслэлийн Гэр бүл, хүүхэд, залуучуудын хөгжлийн газрын дарга Н.Мандуул:
“Хүүхдийн баярын арга хэмжээг нийслэлд хоёр байгууллага хамтран зохион байгуулдаг. Өнгөрсөн жилүүдэд уламжлал ёсоор Сүхбаатарын талбай дээр төвлөрсөн арга хэмжээ зохион байгуулдаг байсан. Энэ жилийн хувьд цар тахлын дэгдэлттэй холбоотойгоор урлаг соёлын болон бусад арга хэмжээ гэсэн хоёр үндсэн ажлыг төлөвлөсөн. Эхнийх нь нийслэлийн Соёл урлагийн газар хариуцан 7 цагийн контент бэлтгэж байна. Дуусах шатандаа орсон. Дараагийн ажил бол хүүхдийн эрхийн талаар ойлголтуудыг олон хүнд хүртээмжтэй байдлаар бэлтгэж байгаа. Үүнийг хотын гудамж талбай, автобусны буудал зэрэг олон нийтийн сүлжээнд байршуулна. Хүүхдийн эрхийн тухай хуульд дөрвөн эрхийг зааж өгсөн байдаг. Үүгнийг танилцуулах видео хичээлийг цахимаар нийтийн сүлжээнд байрлуулна.
Үргэлжлүүлэн “НҮБ-ын хүүхдийн сантай хамтран аппликейшн хийсэн. Нээлтийн арга хэмжээг зохион байгуулна. Цаашлаад хүүхдийн бэлэг ямар байх ёстой талаар асуудал яригдана. Хүүхдийн бэлэг гэхээр тэдэнд хамгийн хортой гурван зүйл хийжүүлсэн ундаа, чипс, чихэр/төсөөлөлд буудаг тогтсон сэтгэлгээ байна. Үүнээс өөр хүүхдэд юу бэлэглэж болох талаар контентыг бэлтгэн цацаад явж байна.