Дэлхий дахины нөхцөл байдал: Испани улсад зарласан онц байдлын хугацааг дөрөвдүгээр сарын 26-ны өдрийг хүртэл сунгажээ. Энэ бямба гарагаас Куба улсад нийтийн тээвэр, такси үйлчилгээг бүрэн зогсоох шийдвэр гаргасан байна. АНУ-д өнөөдрийн байдлаар 14 муж улсад хичээлийн жилийг дуустал танхимын хичээлийг эхлүүлэхгүй байх шийдвэрийг гаргажээ. Тус улсын мдээллээр шинэ төрлийн COVID-19 халдварын эсрэг вакцин гаргаж авах хүртэл хүн амыг халдвараас хамгаалах хамгийн хүчирхэг хамгаалалт бол хүмүүс хоорондоо зайнаас харилцах гэдгийг онцолсон байна. Италийн Мелан хотын эрдэмтэн судлаачид COVID-19 вирусээр өвчилсөн хүмүүс 3 саяыг давсан. Нас баралт одоогийн байгаа тооноос гурав дахин илүү байгаа гэдгийг хэлжээ.
Монгол Улсын нөхцөл байдал: ХӨСҮТ болон Монгол улсад дөрөвдүгээр сарын 9-ний өдөр сэижгтэй тохиолдол бүртгэгдээгүй байна. Тус төвөөс өчигдөр нийт 121 хүнд COVID-19 вирусийн шинжилгээ хийхэд халдвар илрээгүй. Үүнд Замын-Үүдэд тусгаарлагдсан сэжигтэй нэг тохиолдол, Сэлэнгэаймагт батлагдсан тохиолдлын ойрын хавьтлын хүмүүсийн шинжилгээ багтаж байгаа аж. Мөн Сөүл-Улаанбаатар чиглэлийн тусгай үүргийн онгцоор ирсэн 83 хүний шинжилгээ, тандалтаар шинжилгээ хийсэн 33 хүнд вирус илрээгүй байна. Өнөөдрийн хувьд ХӨСҮТ-д 206 хүн хянагдаж эмчлэгдэж байгаа юм.