Монголын Хөлбөмбөгийн Холбоо, “Арвайн үндэс” ХХК-тай хамтран гурав дахь жилдээ “Хүрхрээ үндэсний лиг” зохион байгуулж байна. Лигийн аравдугаар тойргийн тоглолтууд энэ амралтын өдрүүдээр болох юм.
Эхний хагасаа өндөрлүүлээд хэсэг амарсан үндэсний лигийн арван баг тоглолт бүрээс гурван оноо авахын төлөө тоглоно. Хүснэгтийг тэргүүлэгч “Эрчим”-ийг гүйцэхийн тулд “Хангарьд” зургаа, “Улаанбаатар сити” долоо, “Атлетик 220” найман онооны зөрүүг арилгах даалгавартай байгаа юм.
Мөн хамгийн бага оноотой яваа “Хоромхон”, “Эф Си Улаанбаатар”, “Унаганууд” гэсэн клубүүд ганц хожил авахад л хүснэгтийн байрлалаа дээшлүүлэх боломжтой.
Энэ амралтын өдрүүдээр явагдах
- “Гоёо Эф Си”–“Хоромхон”,
- “Атлетик 220”–“Унаганууд”,
- “Эф Си Улаанбаатар”–“Улаанбаатар сити” гэсэн гурван тоглолт NTV телевизээр,
- “Эрчим”–“Сэлэнгэпресс”, лхагва гаригт болох “Дэрэн”–“Хангарьд” гэсэн хоёр тоглолт mycujoo.tv-ээр шууд цацна.