ХҮН намын дэргэдэх Бодлого, судалгааны хүрээлэнгийн судлаачид болон эдийн засагчид ирэх оны Төсөв, мөнгөний бодлогын талаар мэдээлэв.
УИХ-ын гишүүн Т.Доржханд “Ирэх оны улсын төсвийн төслийг Засгийн газраас УИХ-д өргөн барьсан. ХҮН нам болон Эдийн засагчдын клуб жил бүр улсын төсөвт дүн шинжилгээ хийдэг.
2024 бол сонгуулийн жил. Мөн эдийн засгаа тэлэх боломж бүрдсэн тул улсын төсвийш маш хариуцлагатайгаар боловсруулах ёстой” гэлээ.
ХҮН намын эдийн засагчид 2024 оны төсвийн төсөлд дараах зөвлөмжийг өгөв:
- Гадаад нөхцөл байдал улам тодорхойгүй болж байна. Байгалийн гамшгийн давтамж нэмэгдэж байгаа тул манай хөдөө аж ахуйн салбар агшиж болзошгүй.
- Нүүрсний экспортын биет хэмжээ, үнийн түвшин буурах эрсдэлтэй. Иймд төсвийн зардлыг танаж, төсвийг алдагдалгүй батлах,
- Хувийн секторыг дэмжсэн мөнгөний бодлого явуулах,
- Төсөв мөнгөний бодлогоо харилцан уялдуулж, 2026 он хүртэл инфляцыг нэг оронтой тоо руу оруулах,
- Сонгууль угтсан, халамжийн бодлого биш, урт хугацаанд өгөөжөө өгөх, томоохон дэд бүтцийн төслүүдээ санхүүжүүлэх,
- Төрийн өмчийн компаниудын үйл ажиллагаа, санхүүжилтийг ил тод болгох, эдгээр компанийг ХК болгон, төсөвт орлого оруулдаг болгох,