“Хөх сувд-2019” өвлийн баяр энэ сарын 2-ны өдрөөс 3-ны өдрүүдэд Хөвсгөл аймгийн Хатгал тосгонд зохион байгуулагдав. Тус арга хэмжээнд зориулан Булган, Хөвсгөл аймгуудын Замын цагдаагийн хэлтсээс зам тээврийн осол, хэргээсурьдчилансэргийлэх, хөдөлгөөний аюулгүй байдлыг хангуулах чиглэлээр хяналт шалгалт, хөдөлгөөн зохицуулалт хийж ажилласан байна. Хяналт шалгалтаар тус аймгуудын замын цагдаагийн тасаг, хэсгээс нийт 18 алба хаагч 10 чиглэлд 24 цагийн байнгын болон хөдөлгөөнт эргүүлд үүрэг гүйцэтгэжээ. Үүний үр дүнд “Хөх сувд-2019” мөсний баярын үеэр тус чиглэлийн авто замуудад зам тээврийн осол, хэрэг бүртгэгдээгүй байна. Харин арга хэмжээнд гадаад, дотоодын 27000 гаруй иргэн, жуулчин, 3200 орчим тээврийн хэрэгсэл зорьж оролцсон байна.
М.САЙНЗАЯА