Нийслэлийн удирдлагаар ажиллаж байгаа хүмүүс орон нутгаас Улаанбаатар хот руу шилжих хөдөлгөөнийг хязгаарлах санал гаргадаг. Тухайлбал, нийслэлийн Засаг дарга асан С.Батболд ийм санал гарган хэрэгжүүлж байлаа. Мөн нийслэлийн Засаг дарга бөгөөд Улаанбаатар хотын захирагч Д.Сумъяабазар түгжрэл, хүн амын төвлөрлийг бууруулах зорилгоор орон нутгаас Улаанбаатарт ирэх иргэдийн шилжилт хөдөлгөөнийг 2027 он хүртэл зогсоох санал гаргаад байна. Түүний энэхүү саналыг өнөөдөр НИТХ-аар хэлэлцэнэ. НИТХ-ын хурал 10.00 цагаас эхлэх юм.