Өнгөрсөн амралтын өдрүүдэд Хөвсгөл нуурын эрэг дээр “Хөх сувд” мөсний баяр арга хэмжээ болсон. Харамсалтай нь Хатгал тосгоны Эгийн голын эх гэх газарт мөс цөмөрч хоёр автомашин живж, нэг хүний амь эрсэдсэн талаар онцгой байдлын албанаас мэдээлж байна.
Тодруулбал Хөвсгөл аймгийн Алаг-Эрдэнэ сумын Хатгал тосгоны “Эгийн голын эх” гэдэг газар “Ланд-200” загварын автомашин мөсөнд цөмөрчээ. Онцгой байдлын албаныхан Улаанбаатар хотын харьяат 36 настай эрэгтэй Б -ийн цогцсыг, “Ланд-200” загварын суудлын автомашиныг татан гаргаж, Цагдаагийн байгууллагад шилжүүлэн өгсөн байна.
Түүнчлэн Мөрөн сумын харьяат иргэн Н-ийн эзэмшлийн “Ланд-80” загварын суудлын автомашины мөсөнд цөмөрснийг аврагчид татан гаргаж эзэн нь хүлээлгэн өгчээ.