“Бөмбөгөр” худалдааны төв дээр цай заран амьдралаа залгуудаг 90 настай Хорлоо эмээд туслах аян “Монгол тусгал залуусын нэгдэл” ТББ-ын санаачилгаар эхэлсэн. Аяны хүрээнд Хорлоо эмээг байшинтай болгохоор зорьсон юм. Аяны явцын талаар мэдээлэх хэвлэлийн бага хурал өнөөдөр “Өдрийн сонин”-ы Асуух эрхийн танхимд боллоо. Хорлоо эмээд туслах аяны явцын мэдээлсэн уг хуралд “Монгол тусгал залуусын нэгдэл” ТББ, тусалж байгаа барилгын компанийн төлөөлөл оролцлоо. Мөн хандив өргөсөн хүмүүсийн төлөөлөл ч оролцов. 
