Хонгорын элсэнд “Элсэн манхны баяр” болж байна

“Элсэн манхны баяр” уламжлалт арга хэмжээ өнөөдөр Өмнөговь аймгийн Сэврэй сумын нутаг, Монголын есөн гайхамшгийн нэг Хонгорын голд эхэллээ. Энэ үйл ажиллагаа нь Монголын говийн зэрлэг туруутан амьтад, унаган төрхөө хадгалан үлдсэн уудам тэнэгэр газар нутаг байгаль орчин, эко систем болоод алдарт “Хонгорын элс”-ийг сурталчлан таниулж жуулчдын урсгалыг нэмэгдүүлэх томоохон зорилготой юм.

“Элсэн манхны баяр”-ын үеэр элсний волейбол, авто машины уралдаан, элсэн манхны оргил булаалдах тэмцээн, дууны тэмцээн, марафон, барималын уралдаан болно.