АНУ-ын Калифорни мужийн Лос Анжелес хот дахь Майкел Винсент академийг нүүр будалтийн чиглэлээр төгссөн О.Ононтунгалаг гэх монгол эмэгтэй Холливудын ододтой хамтран ажиллаад багагүй хугцааг үджээ.
Тэрбээр Америкийн нэрт дуучин Женнифер Лопезийн экс найз залуу Каспер Смарт гэх бүжигчин, жүжигчин залуугийн нүүр будагч, стилистээр ажилладаг юм байна. Каспер Смарт түүнийг “Урьд өмнө нь хамтарч ажиллаж байсан хүмүүсээс хамгийн шилдэг нь байлаа” хэмээгээд цаашид ч хамтран ажиллах хүсэлтэй буйгаа академид нь илэрхийлсэн байна.
О.Ононтунгалаг нь өмнө нь Chris Brown, Amber Rose, Kelly Rowland зэрэг алдартнуудтай хамтран ажиллаж нүүр будалтыг нь хариуцаж байжээ. Тэбээр “гоо сайхны талаар зөвлөгөө өгөхдөө “Жил бүр хөмсөгний тренд өөрчлөгддөг учир аль болох хөмсөгөө шивүүлэхгүй байх хэрэгтэй. Тэгээд ч шивсэн хөмсөг хүнийг овортой харагдуулдаг. Мөн нүүрний үрчлээ нь олон жилтийн хуурайшилтаас үүсдэг тул эмэгтэйчүүд нүүрээ аль болох хуурайшуулахгүй, сайн чийгшүүлж байх хэрэгтэй. Үрчлээ арилгах бүтээгдэхүүн гэж байдаг байсан бол бүх хүн толигор арьстай байх ёстой шүү дээ. Тиймээс арилгана гэхээсээ илүү үүсэхээс нь өмнө хагаалах нь чухал” зэрэг зөвлөгөөг өгчээ.