Эрүүл мэндийн яам, Зоонозын өвчин судлалын үндэсний төв, Дорноговь аймгийн Эрүүл мэндийн газар, Замын-Үүд сумын Засаг даргын Тамгын газартай хамтран “Хил орчмын нутаг дахь тарваган тахал өвчний эрсдэлийг бууруулах” дадлага сургуулилалтыг зохион байгууллаа.
Дадлага сургуулилалтын үеэр Монгол улсын шадар сайдын А/08 тушаал, Эрүүл мэндийн сайдын 508 тоот тушаалын дагуу салбар хоорондын байгууллагуудын хамтын ажиллагааг сайжруулах, нийгмийн эрүүл мэндийн ноцтой байдал үүссэн үед хэрэгжүүлэх арга хэмжээнд дадлагажихад чиглэсэн танхимийн сургалт, ширээний дасгал, тарваган тахал өвчний хүний өвчлөлийн үед авч хэрэгжүүлэх хариу арга хэмжээ зэрэг ажлуудыг зохион байгууллаа.
Дадлага сургуулилалтад Замын-Үүд сумын Онцгой комиссын гишүүд болон БНХАУ-ын Эрээн, Хөх хотын гаалийн газрын 64 албан хаагч хамрагдлаа.
