Хичээлийн шинэ жил эхлэхэд хэдхэн долоо хоног үлдээд байна. Энэ үед эцэг эхчүүдийн хувьд хүүхдийнхээ хичээлийн хэрэгслийг бэлдэх том ажилтай болдог. Тиймээс бид хичээлийн хэрэгсэл зарагддаг томоохон худалдааны төв болох Хархорин захыг зорин хичээлийн хэрэгсэл болон сурагчдын дүрэмт хувцасны үнийг худалдаа эрхлэгчдээс тодрууллаа.
Хичээлийн хэрэгслийн дундаж үнэ:
Дэвтэр 12-96 хуудастай: 350-2,500
Үзэг: 700-3,800
Өнгийн харандаа: 2,000- 15,000
Сурагч цүнх: 40,000-120,000
Хайч, шугам: 500-8,000
Үзэг балын сав: 5,000-12,000
Усан будаг, пламастер: 2,000-12,000
Сурагчдын дүрэмт хувцас Өүлэн минж, Шилмэл загвар үйлдвэрийн дундаж үнэ:
Эмэгтэй бага анги форм: 100,000- 120,000
Эрэгтэй бага анги форм: 140,000- 160,000
Эмэгтэй дунд анги форм: 150,000-190,000
Эрэгтэй дунд анги форм: 150,000-190,000
Эмэгтэй ахлах анги форм: 190,000-210,000
Эрэгтэй ахлах анги форм: 190,000-210,000
Хархорин худалдааны төвөөр худалдан авалт хийж буй иргэдээс мэдээлэл авахад:
Иргэн: О.Чанцалмаа
-Та хүүхдийнхээ хичээлийн хэрэгслийг бэлдэж явна уу?
-Тиймээ
-Танай өрх ЕБ-ын хэдэн хүүхэдтэй вэ?
-Гурван хүүхэдтэй бага ангийн нэг, дунд ангийн нэг, ахлах ангийн нэг хүүхэдтэй жил бүр эндээс хичээллийн хэрэгслийг нь бэлддэг.
-Нэг хүүхэд ойролцоогоор хэдэн төгрөгөөр хичээлийн хэрэгсэл авч байна?
-Нэг хүүхэд ойролцоогоор 150,000-200,000 төгрөгөөр бүтэн жилийн хичээлийн хэрэгсэлийг нь бэлддэг энэ үнэ дээр дүрэмт хувцас нэмэгддэг гурван хүүхдэдээ нийтдээ 1,000,000-1,200,000 төгрөг жилдээ зарцуулдаг. Миний хувьд хүүхдүүдийнхээ юмыг аль болох эрт бэлддг. Хичээлийн шинэ жил дөхөх тусам хичээлийн хэрэгслийн үнэ бага багаар өссөн байдаг.
–Үнийн өсөлт ямар шалтгаантай гэж та бодож байна?
-Худалдаа эрхлэгчид цаг үеийн байдалд тааруулан хийсвэрээр үнээ нэмээд байгаа санагддаг. Тэрнээс тээвэр болон татвар хэвэндээ байгаа санагддаг миний одоо 500 төгрөгөөр авсан дэвтэр 2 долоо хонгийн дараа 700 төгрөг болсон байдаг.
Харин худалдаа эрхлэгчид:
-Энэ жилийн хувьд бараа бүтээгдэхүүн 5-10 хувь нэмэгдсэн өнгөрсөн жилээс тээвэрлэлтийн зардал бага зэрэг өссөн байгаагаас шалтгаалан үнэ нэмэгдсэн байна. Иргэдийн худалдан авалт одоогийн байдлаар сийрэг байна 8 дугаар сарын дунд үеэс эхлэн худалдан авалт эрс нэмэгддэг. Худалдан авалтын дундаж үнэ 70,000-120,000 хооронд байна.
Э.Бадамгарав