Хэнтий аймгийн Иргэний зориг, ногоон
намын үүрийн дарга нар эрх баригч намууд Үндсэн хуульд заасан сонгох,
сонгогдох эрхийг бүх шатанд хязгаарлаж байгаа тухай өнөөдөр /05.23/
мэдээлэл хийлээ.
Хэнтий аймгийн Сонгуулийн хорооноос энэ
оны тавдугаар сарын 17-ны өдөр “Хэнтий аймгийн Иргэний зориг ногоон
намаас нэр дэвшиж буй хүмүүсээс татгалзсугай” гэсэн тогтоол гаргасан.
байна. Энэ тогтоолыг энэ сарын 17-ны өдрөө нэр дэвшигчдэд хүргүүлэх
ёстой байсан хэдий ч энэ сарын 20-ны өдөр нийтэд зарласан гэнэ. Энэ нь
нэр дэвшигчдэд нэрээ татсан тохиолдолд нөхөн нэр дэвшүүлэх боломж
олголгүйгээр Сонгуулийн хуулийн 129.2 дахь хэсэгт заасны дагуу хууль
зөрчиж байгаа ажээ.
Хэнтий аймгийн Бор-Өндөр сумын Иргэний
зориг, ногоон намын үүрийн дарга Б.Тулга “Нийслэлд бие даан нэр дэвшигч
нар болон жижиг намаас нэр дэвшиж буй хүмүүсийн эрхийг хязгаарлаж байна.
Орон нутагт бас энэ эрхийг нь хязгаарлаж байна. Тэгэхээр ард түмэнд
сонгох эрхийг нь ч гэсэн эдлүүлэхгүй байна. Иргэдэд зөвхөн Монгол ардын
нам, Монголын ардын хувьсгалт нам, Ардчилсан нам гэсэн намыг л сонгуулах
гэж байна. Энэ сонгууль бол хууль бус сонгууль болох гэж байна” хэмээн
ярилаа.
Мөн Хэнтий аймгийн Сонгуулийн хороо аль
нэг намын захиалгаар ийм шийдвэр гаргасан гэж үзэж байна гэв. Хууль
заасан хугацаанд нэр дэвшүүлэх үйл ажиллагааг явуулаагүй гэсэн
шалтгаанаар албан тогтоол явуулсан хэдий ч зөрчсөн хуулийн заалт,
хавсралт нь байхгүй байсан бөгөөд бид хугацаандаа нэр дэвшүүлэх үйл
ажиллагааг явуулсан гэдгээ онцолж байв.
Цаашдаа энэ асуудлаар холбогдох байгууллагаас хариу тайлбар ирүүлэхгүй бол тэмцлийн дараагийн шатанд шилжинэ гэдгээ мэдэлдлээ.