Үндэсний статистикийн хорооноос өнгөрсөн зургаадугаар сарын нийгэм, эдийн засгийн байдлын талаар мэдээлэл өглөө. Халдварт өвчний тохиолдол 49.2 хувиар буурчээ. Үүнд улаан бурхан болон сүрьеэ өвчнөөр өвчлөгсдийн тоо буурсан нь голч дүнд нөлөөлсөн байна. Улаанбаатар хотод энэ оны зургадугаар сарын байдлаар ДОХ-ын нэг тохиолдол илэрч нийт ДОХ-оор өвчлөгсөд 238 болжээ. Улсын хэмжээнд 2017 оны эхний хагас жилийн байдлаар 13 мянган гэмт хэрэг бүртгэгдсэн байна. Энэ үзүүлэлт нь өмнөх жилийнхээс хоёр мянгаар буюу 13.3 хувиар буурсан тоо юм. Өмчлөх эрхийн эсрэг хэрэг 1435, хүний ам нас, эрүүл мэндийн эсрэг гэмт хэрэг 473-аар буурсан нь голч дүнд нөлөөлжээ. Гэмт хэргийн улмаас хохирсон хохирол 230.1 тэрбум төгрөг болсон аж. Нөхөн төлүүлсэн төлбөрийн хэсмжээ 62.6 тэрбум төгрөг байна. Улсын хэмжээнд 45.7000 хүн эрүүлжүүлэгдэж, долоон мянган хүн баривчлагдсан. Энэ нь өмнөх жилийн байдлаас эрүүлжүүлэгдсэн хүн 69, баривчлагдсан 4.1 хувиар өссөн үзүүлэлттэй байна. 19.4000 хүн гэмт хэргийн улмаас хохирсон нь 3.8 буурсан аж. Үүнээс 738 нь хүүхэд, 51.5 хувь нь эмэгтэйчүүд байна. Макро эдийн засгийн үзүүлэлт, мөнгө зээл, үнэт цаасны зах зээлд мөнгөний нийлүүлэлт 12.8 их наяд төгрөгт хүрчээ.
Б.ОДГЭРЭЛ