Сүүлийн үед мансууруулах төрлийн бодис хэрэглэх тохиолдол олширсоор байгаа билээ. Тухайлбал өчигдөр энэ төрлийн хэргээр баривчлагдан, саатуулагдсан хэд хэдэн тохиолдол гарсан байна. Тодруулбал, Сонгинохайрхан дүүргийн наймдугаар хорооны нутагт 18:20 цагийн үед цагдаагийн алба хаагчид эргүүлийн үүрэг гүйцэтгэж явах үедээ Захиргааны хэргийн Шүүхийн байрны хойд талд сэжиг бүхий явж байсан эрэгтэй 26 настай Т, эрэгтэй 27 настай Т, эрэгтэй 20 настай Ц, Ө эрэгтэй 26 настай Ө, эрэгтэй 26 настай Л нарыг шалгахад иргэн Т-ийн өмдний халааснаас цаасанд боосон ногоон өнгийн ургамал гарч ирснийг Сүхбаатар дүүргийн цагдаагийн нэгдүгээр хэлтэст шалгаж эхэлсэн.
Мөн Сүхбаатар дүүргийн -11 хороонд суух эрэгтэй 26 настай Ө нь хар тамхины төрлийн өвс хэрэглэж мансуурсан хэргийг тус дүүргийн цагдаагийн хоёрдугаар хэлтэст эрүүгийн хэрэг үүсгэн шалгаж байна. Хэргийн газраас эд мөрийн баримтаар 0,5 гр хар тамхины төрлийн бодис хураан авчээ.