Нийслэл хотод энэ сарын 17 буюу өнөөдөр зам талбайн цэвэрлэгээ үйлчилгээний 24 байгууллагын 620 ажилтан албан хаагчид авто замын халтиргаа гулгаа үүсэхээс сэргийлэн 123 тусгай зориулалтын машин, техникээр хусалт хийжээ.
Мөн урьдчилан сэргийлэн 173.5 тонн тусгай зориулалтын бодис, 98.5 тонн давс цацсан аж.
Энэ амралтын өдрүүдэд нийт нутгаар эрс хүйтрэх төлөвтэй байгааг албаныхан анхааруулж байгаа билээ.
Цас дагтаршиж халтиргаа үүсэхээс өмнө орчны 50 метрийн талбайгаа цэвэрлэхийг байгууллага аж ахуйн нэгж, иргэддээ уриалж байна.