Өчигдөр буюу пүрэв гаригт мэргэжлийн сүмогийн 69 дэх их аварга Хакүхо сэкиваке Тамавашиг ялснаар бүх цаг үеийн хамгийн олон даваатай бөхийн /1047 ялсан / дээд амжилтыг хуваалцаж эхэллээ. Энэхүү дээд амжилтын титмийг экс озэки Кайо эзэмшиж байсан юм. Озэки Кайо 1988-2011 оны хооронд барилдах хугацаанаа 1047 даваа, ёкозүна Чиёнофүжи 1970-1991 оны хооронд 1045 даваа авсан байдаг.
Мэргэжлийн сүмогийн бараг бүх дээд амжилтыг эзэмшээд байгаа Хакуход одоо нэг л дээд амжилт дутуу байгаа. Энэ бол тасралтгүй давсан тоо юм. Уг үзүүлэлтийг тасралтгүй 69 давсан Футабаяама тэргүүлж байгаа бол Хакухо 63 даваатайгаар удаалж байгаа ажээ Одоо түүнд түүхэн амжилтыг эвдэх цаашлаад даваагаа нэмэх гурван өдрийн барилдаан үлдсэн. Өнөөдөр тэр озэки Такаясутай барилдана.