“OurMine” хакеруудын бүлгийн гишүүд Америкийн CNN телевизийн “Фейсбүүк” сүлжээн дэх аккаунтыг эвдсэн байна. “Mashable”-д бичсэнээр хакерууд CNN International болон CNN Politics хуудсыг эвджээ. Хакерууд телевизийн хуудсанд өөрсдийнхөө логог тавьж зурвас үлдээжээ. Уг зурваст “Сайн уу, бид OurMine. Бид таны хамгаалалтыг шалгалаа. Мэдээлэл авахын тулд бидэнтэй холбогдоорой” гэжээ. Хагас цагийн дараа “Фейсбүүк”-ийн захиргаа CNN-ий хуудсыг засч, хакеруудын үлдээсэн ул мөрийг арилгажээ.