Монгол Улсын Ерөнхийлөгчийн сонгуульд АН-аас нэр дэвшиж буй Х.Баттулга өнөөдөр Сонгуулийн ерөнхий хороонд нэр дэвшигчийнхээ бичиг баримтыг хүлээлгэн өгсөн юм. Энэ үеэр АН-ын Ерөнхий нарийн бичгийн дарга Ц.Туваан: Бид хуулийн дагуу 17 хуудас бичиг баримт бүрдүүлэн нэр дэвшигчээ бүртгүүлэхээр ирлээ гэж тодотгож байв. Нэр дэвшигчийн материалыг хүлээлгэн өгөх ажиллагаанд УИХ-ын гишүүн Л.Болд, УИХ-ын гишүүн Д.Эрдэнэбат, З.Нарантуяа нар оролцов.
Нэр дэвшигч Х.Баттулга “Өнөөдөр хуулийн хугацаанд 2017 оны Монгол Улсын Ерөнхийлөгчийн сонгуульд нэр дэвшээд журмын нөхдийн хамт бичиг баримтаа бүртгүүллээ. Бүртгэж аваад, сонгууль маань амжилттай явагдах байх аа гэж найдаж байна” гэв.
