Ирэх жил Катар улсад зохиогдох хөлбөмбөгийн ДАШТ-ийн бүтээн байгуулалтад оролцож буй буурай улсуудын ажиллах хүчний эрсдэлийн талаар The Guardian мэдээлж байна. Ихэвчлэн хүнд хүчир, хөдөлмөрийн аюулгүй ажиллагаа бүрэн хангагдаагүй талбарт хүчин зүтгэж буй Энэтхэг, Пакистан, Балба, Бангладеш, Шри-Ланкаас ирсэн ажиллах хүчин их хэмжээгээр амь эрсдэж буй талаар тухайн улсуудын элчин сайдын яамдаас гаргасан мэдээлэл дээр үндэслэн The Guardianдээрх тоог бичжээ. Тухайлбал 2011-2020 оны хоорондЭнэтхэг, Бангладеш, Балба, Шри-Ланкаас ирсэн 5927 ажилчин ажлын талбартаа нас барсан бол Пакистаны 824 ажилчин бас зүй бусаар амиа алдсан гэв. Энэ тоонд Филиппин, Кени мэтийн бусад улсуудын ажилчдийн талаарх мэдээлэл ороогүй гээд бодохоор бас л эвгүй өндөр тоо гарах магадлалтай.
Үхлийн шалтгааны дийлэнх хувийг хэт халуунд олон цагаар ажиллаж буйтай холбож байна.
