Шударга өрсөлдөөн хэрэглэгчийн төлөө газар нийслэлийн иргэдийн гомдлын дагуу хувийн орон сууцны конторуудад шалгалт хийсэн байна. Шалгалтаар “Тэлмүүн од” ХХК узелийн цахилгааны төлбөр гэх нэрийдлээр сард 2800 төгрөг, “Богд асар” ХХК ус дулаан дамжуулах төвийн зардал нэрээр 6000 төгрөг, “Тунамал өргөө” ХХК ус дулаан дамжуулалтын төлбөр нэрээр 2600 төгрөг, “Бадамлах нар” ХХК насос, тог нэрээр 2475-11000 төгрөг зэргийг авч байсан нь тогтоогдсон байна. Иргэдээс мөнгө завшиж байсан контор тус бүрт 1.2 сая төгрөгийн торгууль оногдуулжээ.