Индонезийн
Синабунг нэртэй галт уулт сэргэж ойр орчимдоо үнс цацаж, галт уулын
өтгөн лав урсаж эхэлжээ. Иймээс тухайн галт уулын эргэн тойронд байрлах 4
тосгодын 2700 орчим иргэдийг сүүлийн хоёр долоо хоногт Суматра арлаас
нүүлгэн шилжүүлээд байгаа юм байна.
Өнгөрөгч долоо хоногийн эхээр галт уулын
орой дээр хатсан магмын дулаан нэмэгдэж байсан бөгөөд тогтворгүй болж
эхэлжээ. Удалгүй галт уул идэвхжсэн бөгөөд өнгөрөгч 5 дахь өдөр
Индонезийн Гамшгийн эсрэг үндэсний хорооноос галт уулын түгшүүрийн
байдлыг зарласан байна. Мөн Индонезийн засгийн газрын агентлагууд
нүүлгэн шилжүүлэлтэд хамрагдсан хүмүүст зориулж хорогдох байр гаргаж
өгчээ. Индонези нь 13 мянга гаруй арлуудаас тогтдог бөгөөд оршин
суугчдын 75 хувиас илүү нь сүүлийн зуунд галт уул нь идэвхжиж байгаа,
идэвхтэй байсан бүсүүдэд буюу галт уулаас 100 км доторх бүсэд амьдардаг
юм байна.
