2015 оны наймдугаар сарын 7-ны өдрөөс 2015 оны арванхоёрдугаар сарын 31-нийг дуусталх хугацаанд нуун дарагдуулсан орлого, хөрөнгө, үйл ажиллагаагаа ил тод болгон сайн дурын үндсэн дээр үнэн зөв мэдүүлэх боломжийг аж ахуйн нэгж, иргэдэд олгохоор Ил тод байдлыг дэмжих тухай хуульд заасан. Гэвч дээрх хугацааг богино байна гэж үзсэнээс оны өмнөхөн УИХ-аас хуулийг хэрэгжүүлэх хугацааг 2016 оны хоёрдугаар сарын 20-ны өдрийг хүртэл сунгасан билээ.
Харин заасан хугацаа дуусахад тав хоног үлдлээ. Энэ оны нэгдүгээр сарын 21-ний байдлаар аж ахуйн нэгж байгууллагаас татварын албанд нийт 28501 шинээр гаргасан тайлан ирүүлснээс 14092.8 тэрбум төгрөгийн орлого, хөрөнгийг тайлагнан 3865.3 тэрбум төгрөгийн татвараас чөлөөлөгдсөн байна. Мөн 1016 хувь хүн, хуулийн этгээд шинээр, 1041 татвар төлөгч татварын төрлийн бүртгэлд нийт 2057 татвар төлөгч татварын албанд бүртгүүлжээ.
Иймээс иргэд, аж ахуйн нэгжүүд хугацаандаа багтаан тайлангаа өгөхийг анхааруулж байна.